- Три децении на македонската ракометна сцена гравитира стратегот Симе Симовски. Зборуваме за поранешниот селектор на женската младинска и сениорска репрезентација на Македонија, тренер на машкиот и женски клуб Металург, тренер на ЖРК Вардар во ерата на Самсоненко, а сега предводник на женскиот македонски првак ЖРК Ѓорче Петров.
- „Тој Вардар ми го отвори чипот, средина на различни структури на народи, погледи и мислења. Во тие 7-8 години имаше Шпанци, Данци, Руси, Хрвати, Срби...тренери и играчи и од сите можеше по нешто да се купи. Фаќав забелешки кај Раул на тренинг и ако нешто не ми беше јасно, ќе седневме и ќе поразговаравме“.
- „Во тој период Столе, кој ми е внук од прва братучедка, тренираше кошарка во МЗТ. Доаѓаше на тренинг во Гази Баба. Столе како Столе фолирант, но го оставив познавајќи го, а и не ми беше репер дека треба да биде играч. Со патиките секое утро ме чекаше пред кола за да одиме на тренинг.
- Ристо Чокрев ми вели: Добро дете. Му одговарам: Добар е, ама кошаркар. Чокре вика: Не, овој ракометар ќе биде. Потоа и другите од управата го убедуваа да остане во ракомет и така и се случи“, вели Симовски во интервју за 24 ракомет.
- Осумнаесет годишниот плејмејкер Никола Топиќ, роден во 2005-та во Нови Сад, кариерата ја почнал во новосадскиот клуб Дифенс, па во јуни 2020-та потпишал стипендиски договор со Црвена Звезда.
- Белградскиот клуб го прати на неколку позајмици, а посебно успешна му беше онаа во Мега Баскет од каде потекнува и Никола Јокиќ. Никола Топиќ покажа раскошен талент поради што Црвена Звезда го врати во своите редови, а сега се спрема за летниот НБА драфт.
- Негов менаџер е светски познатиот агент Мишко Ражнатовиќ кој се грижи за кариерата на преку 100 врвни кошаркари меѓу кои и Никола Јокиќ. Белградскиот печат пишува дека на Топиќ му се предвидува Топ5 пик на драфтот. Последен кој беше вака високо котиран и на крај беше избран како втор пик на драфтот беше Дарко Миличиќ во 2003-та.
- Триесет и едно годишниот Британец роден во Белгија, Вил Стил на рана возраст играл фудбал во Белгија каде живееле неговите а на 17 години почнал да учи школа за тренер. Толку добро напредувал што набрзо го вработиле во неколку белгиски клубови да работи видео-анализа на противникот.
- На 24 стана привремен в.д. тренер на познатиот белгиски клуб Жерминал Бершот, а во октомври 2022-ра година од помошник тренер на Оскар Гарсија станува главен тренер на францускиот прволигаш Ремс.
- Вил Стил направи првокласно чудо откако прво 5 меча беше без пораз, па му го тргнаа тоа в.д. и стана полноправен тренер. Возврати со серија од 17 меча без пораз што е рекорд во Франција. Сега се разделил со клубот и се зборува дека Вест Хем чиј голем навивач е Вил, го бара за тренер.