За прв пат и чисто заради тужба дека нејзината вакцина против ковид предизвикала смрт и сериозни повреди во десетици случаи, Астразенека во судски документи признава дека вакцината предизвикала ретки нус-појави.

Русите кои на почетокот од војната избегаа од Русија во странство, сега се враќаат назад во својата татковина давајќи и значителен залет на руската економија. Од каде ваков наплив на патриотизам кај лица што пред 2 години избегале? Прашајте ја ЕУ.

Хитроу и Дубаи се меѓу најзафатените аеродроми на светот и на таа рута летаат милиони патници но и милијарди нелегални долари. Таа авионска линија е идеална за перење пари: на едниот аеродром не проверуваат колку пари носиш, а на другиот аеродром си добредојден со сите пари кои си ги понел. На тој налин летаат стотици нилијарди долари. А ние ќе се тресеме за две штеки цигари.

Претставничкиот дом на американскиот Конгрес усвои закон со кој се проширува дефиницијата за тоа што е антисемитизам, кој пак е федерално кривично дело и повлекува сериозни казни. Ова се носи како обид да се зауздаат про-палестинските протести во американските универзити, но критичарите предупредуваат дека е погубно и критиката на државата Израел да се смета за антисемитизам. 

Неодамна пишувавме дека иако грижата на совест за климата упорно се натура на сите поедеднакво, половина од проектите за проширување на капацитетите за вадење нафта и гас до 2050 година се само кај пет земји. Сите богати, сите од север. Сега за пластиката. Една четвртина од целокупната пластика на оваа планета ја пуштааат само пет брендови.

Амнести интернешенел неодамна за'ржа кон Саудиска Арабија барајќи да ја прекинат репресијата врз слободата на изразување и веднаш да ги ослободат сите неправедно приведени поради изразување на нивните ставови, вклучително и изразување поддршка за правата на жените. Еве, одма ги послушаа: „погрешно облечена“ фитнес инфлуенсерка пратија на 11 годишна робија.

На Европа и требаат смели и одлучни политики за спасување на сопствената автомобилска индустрија од наездата на кинески електрични возила, а не млаките мерки што сега се разговараат во Брисел.

Њујоршкиот Колумбија универзитет побара да се расформира протестниот камп за Газа поставен на универзитетскиот кампус и на студентите им даде ултиматум да потпишат формулар дека се согласуваат со универзитетските политики кои ќе важат до јуни 2025 година. Во спротивно суспензија која нема да им дозволи да го завршат тоа што го почнале.

Белорусија ја забрани „екстремистичката“ германска телевизиска информативна мрежа Дојче веле а министерството за внатрешни работи соопшти дека локалната ДВ Белорусија била вклучена во „екстремистички активности“. Секоја понатамошна соработка со нив може да биде оценета како кривично дело а давањето информации на редакцијата носи ризик од повеќегодишен затвор.

Парите што САД ги одобри за Украина се за да ја спасат земјата од крах се добредојдени на краток рок, меѓутоа на среден на Киев му треба план за финансирање како би го издржал притисокот од Русија.

„123456“, „admin“ и „password“ повеќе нема да бидат дозволени во Британија, а уредите кои ќе доаѓаат со лесни лозинки ќе се смета дека не ги исполнуваат минималните стандарди за безбедност.

Во Лос Анџелес годишно умираат повеќе луѓе отколку што своевремено загинаа во Хирошима. Меинстрим наративот е дека бездомништвото е резултат на сиромаштијата, но не е. Таа се намалува а бездомништвото се зголемува. Огромен дел од оние кои се на улица се со тешка зависност или нетретирана ментална болест. Состојбата ја влошија невладините кои ги бранеа на најлош можен начин.

Ако трговски ја спукаат со Кина на големо, Соединетите Американски Држави ќе претрпат големи економски штети, инфлации и паѓање на животниот стандард, но, ќе преживеат. Европа нема таков луксуз. Таа е толку зависна од надворешна трговија и увоз, што ако успеат самоубиствено да ги избркаат Кинезите од континентот, нејзината економија ќе пропадне.  

Да се спротивставиш на радикалното зло значи да издржиш живот кој според стандардите на поширокото општество е неуспешен. Да ѝ пркосите на неправдата по цена на вашата кариера, репутација, финансиска ситуација, понекогаш и живот. Да се биде доживотен еретик. И да прифатите дека доминантната култура, дури и либералните елити, ќе ве туркаат на маргините и ќе се обидат да го дискредитираат не само она што го правите, туку и вашиот карактер.

Во октомври минатата година Казахстан стави на аукција 117 борбени авиони од советско производство. Деновиве се дозна дека 81 од нив се купени од САД преку офшор посредници.

Луѓето кои за викенд спијат подолго за да надоместат за изгубениот сон во текот на неделата е значително помалку веројатно да покажат симптоми на депресија, со тоа што и ова „подолго“ си има граници.

Над илјада муслимани викендов излегоа на протести во северниот германски град Хамбург повикувајќи на основање калифат во Германија.

Милионерот кој намерно се направи бездомник и банкрот за да покаже дека за 12 месеци може да направи 1 милион долари, се откажа од експериментот откако веќе не се додржуваше живот во сиромаштија.

Кога во декември Владимир Зеленски има состанок со спикерот на Претставничкиот дом на американскиот Конгрес, Мајк Џонсон е неполни два месеца на таа позиција. Тогаш Зеленски јасно му кажува дека Украина може максимум до март или април да ги издржи руските напади. Џонсон ја донесе помошта за Украина на една недела пред крај на рокот.

Волстрит журнал потсетува дека генерацијата која годинава дипломира влегоа по колеџи во време на карантини и изолација а излегуваат со протести (за Газа). Пандемијата направи многумина од нив анксиозни и осамени во своите соби во кои и следеа настава и играа игрици и јадеа. „Никогаш немавме мирно време во кое ќе можевме да бидеме едноставно млади.“

Меѓународниот кривичен суд наводно е пред издавање налог за апсење на израелскиот премиер и високи функционери во израелската влада. Што е до Нетанјаху, за МКС ќе биде подобро да не си играат играчки.

Со просто мнозинство, Устика, мал сицилијански остров со 1.300 жители, му го одзема почесното државјанство на Волт Дизни, носејќи закон според кој само живите можат да добијат такво признание. Но, покојниот американски аниматор беше само колатерална штета: вистинската цел беше Бенито Мусолини.

Американските разузнавачки агенции утврдиле дека рускиот претседател Владимир Путин најверојатно не наредил убиство на рускиот опозициски лидер Алексеј Навални, објави Волстрит журнал. Да потсетиме, веста за смртта на Навални кој почина во руски затвор во февруари, на Запад се пренесуваше со инстантно лоцирање на убиецот во Кремљ.

Воени експерти ја советуваат Украина многу внимателно да ја троши својата помош од 61 милијарда долари бидејќи постои можност дека Америка нема да испрати уште еден пакет.