На Енфилд Роуд веќе на големо траат подготовките за последниот натпревар на Јирген Клоп на клупата на Ливерпул. Во недела против Вулверхемптон германскиот тренер за последен пат ќе ја води екипата. После 9 години во кој направи ренесанса и му донесе на клубот пехар во Лига шампиони, титула во Премиер лига која ја чекаа цели 30 години, два ФА купа, два Карабао Купа, европски Супер Куп и Светско клупско првенство.

Со само 14 години и 29 дена, Матео Аполонио стана најмладиот дебитант во историјата на аргентинскиот и веројатно светскиот фудбал. Тој во четвртокот вечер влегол во игра од клупа за резерви на мечот меѓу второлигашот Депортиво Риестра и Њуелз Олд Бојс (0-1) од осминафинале на Купот на Аргентина.

11 месеци, 14.000 км и 20 земји содржи неверојатната авантура на дечкото кој се претставува како најголем навивач на Манчестер Јунајтед. Вредеше на крај. Му се исполни сонот.

Еден од најдобрите светски фудбалери на денешницата, сјајниот Килијан Мбапе за неколку недели и официјално треба да биде промовиран во нов фудбалер на Реал Мадрид кој ќе прави свечена церемонија за отворање на реновираниот „Сантијаго Бернабеу“. Во меѓвуреме Килијан бил поканет на свечена претстава на неговата восочна фигура во најпознатиот музеј на светот за возочни фигури - Мадам Тисо во Лондон.

Европското фудбалско првенство 2024 започнува за помалку од еден месец а отворањето ќе биде на „Алијанц Арена“ во Минхен. Германците педантно ги уредуваат сите постоечки места на одигрување (10 стадиони) и за очекување е едно од најдобрите европски организирани некогаш.

Во мечот од втората руска лига меѓу Чаика и Металург Липецк, домашните фудбалери излегуваат сами пред гол и се заплеткуваат. Павел Долгов промашува празен гол, а истиот играч се спасил што дал победнички погодок во текот на дуелот.

Манчестер Јунајтед ја повтори најлошата сезона уште од крајот на седумесетите години. Имаат 14 порази во Премиер лига со дури 58 примени голови, нешто што навивачите не го паметат со децении. Најтрофејниот англиски клуб по број на титули минува низ тежок период, а тренерот Ерик Тен Хаг си држи до тоа како ништо да не било.

Ќе речеш Шведска е тоа, нема таму атрактивен фудбал за око, ама гледајте колку фина и велелепна акција изведоа фудбалерите на Дјургарден. Една петица, па друга и на крај супер завршница.

И во моментите кога го слават еден од најголемите успеси во историјата на клубот, а тоа е пласманот во ЛШ, навивачите на Болоња не го забораваат човекот кој до последен здив се бореше за нив. Тешко болен преку видео повици ги охрабруваше од постела и упорно се враќаше да ги води и на терен. 

Легендарниот Хесус Навас за Севиља е она што е Хоакин за градскиот ривал Бетис - права вистинска легенда. Севиља објави дека Навас по крајот на сезоната заминува од клубот во кој помина 17 сезони во два мандати (беше четири сезони во Манчестер Сити) и одигра 688 натпревари. Освои 8 пехари од кои 4 во Лига Европа и 2 во шпанскиот кралски Куп со што е најтрофејниот играч и фудбалер со најмногу настапи за Севиља.

„Се будам во 3, го собирам ѓубрето до 10 и потоа трчам на тренинг. Ќе продолжам и следната сезона. Но, немојте да го нарекувате ова бајка, ние стварно играме фудбал".

Првиот чувар на голот на македонската фудбалска репрезентација стана голман со најголем број настапи во историјата на Рајо Ваљекано.

Белорускиот фудбалер Николај Иванов (24) на мечот меѓу неговиот Пјатигорск и Химик во втората руска лига постигнал гол за три секунди од центар на теренот. Со овој гол влегува во историските книги за рекорди. Еден од најбрзите погодоци во историјата. Николај има веќе неколку голови од далечина, а кога тренерот на Пјатигорск приметил дека гостинскиот голман е излезен далеку од својот гол му повикал на својот играч да проба.

За време на натпреварот меѓу Филаделфија Унион и Њујорк Сити кој завршил 1-2 за гостите, на стадионот „Субару Арена“ во Пенсилванија истрчал ракун кој некое време не можеле да го скротат и го прекинал мечот накратко.

Во 5. коло од групна фаза во Копа Либертадорес, Палмеирас со 2-1 го совлада Индепендиенте дел Вале. Најубав од трите гола на дуелот беше оној на Ричард Риос во 36’ минута од слободен удар. Палмеирас со овој триумф има 13 бода и е сигурно пласиран во следна фаза.

Чуден и многу нервен лик е Масимилијано Алегри. Збеснува и кога победува и кога губи. Заминува како втор најтрофеен тренер на Јувентус, веднаш зад Џовани Трапатони.

Бока Јуниорс во Единсон Кавани очигледно доби ветеран кој доживува втора младост. Постигна гол и во Копа Судамерикана против Форталеза, а натпреварот заврши 1:1. Уругвајскиот голгетер има 11 гола на 16 меча на сите натпреварувања.

Во недостиг на аргументи зошто ги парчосува противниците на терен, Пеп Гвардиола кој бележи сјајни резултати каде и да беше тренер: во Барселона, во Баерн Минхен и во Манчестер Сити, го критикуваат дека многу трошел. Тој им одговори, ако е до трошењето, тогаш Јунајтед, Челси и Арсенал требаше да ги освојат сите титули.

Во познатата Фабрика, академијата на славниот Реал Мадрид неодамна признание за најдобар играч на сезоната во младинските категории добил малиот Уго Ернандез. Права 10-ка, топката му се лепи за нога, а овој бисер ако продолжи да го надоградува својот раскошен талент наскоро може да биде и во прв тим.

Фудбалот е затоа убав, од причина што од нигде никаде ќе се случи некое фино изненадување, игра во која фаворитот не секогаш е сигурен победник. Таква е филмската приказна за Баер Леверкузен кој сензационално стана шампион на Германија иако на почеток на сезоната беше во најдолниот дел од табелата. На крај убедливо ја минаа целта пред Баерн Минхен а ги чекаат уште два дуели за два историски пехари.

Видеата од поплавите на Олд Трафорд не се добри за реномето на клубот, кое и онака го загуби по заминувањето на Ферги. Кај имаат проблеми од фудбалски и организациски карактер, уште па се посрамотија и со прокиснување, како да се работи за некој потпросечен клуб во потпросечна лига, каде нема пари да се плати мајстор за кровот. Но не е сè така црно за Манчестер Јунајтед. Потенцијалците треба да се користат, само треба да му текне на човек.

Кога пред неколку недели категорично одбил да стане нов тренер на Баерн Минхен по крајот на сезоната, со објаснување дека веќе работи на голем проект, на крајот врвниот баскиски стратег Унаи Емери покажа на што мислел. Ја внесе Астон Вила во Лига на шампиони!

Налетавме на чудно парче видео од четвртфинален натпревар во Унгарскиот Куп, одигран во 2008-ма. Павел Џурика од Фехервар се обиде нешто да направи, ама и самиот изгледа не знаеше што сака да направи. Му се чудеа сите.

Иако на почеток на сезоната делуваше дека грчкиот Австралиец Ангелос Енџ Постекоглу ги склопи коцките во Тотенхем, сепак Спарс врзаа долга серија лоши резултати, претрпеа неколку порази и на крајот по сè изгледа ќе се задоволат само со пласман во Лига Европа. На дербито со Манчестер Сити (0:2) навивачите на Тотенхем иронично навивале за Сити и ги прославувале головите на противникот со цел нивниот омразен ривал Арсенал да не ја освои титулата.