- Брачниот пар Биљана и Синиша Павлески од Скопје беа единствените навивачи кои ја бодреа македонската фудбалска репрезентација на пријателските натпревари против Молдавија и Црна Гора во Турција.
- „На сите мои 120 натпревари, без разлика дали во Скопје, Прилеп, Струмица, Малта, Рим, Манчестер или сега во Анталија, сум настојувал цело време да навивам, да ја поддржувам македонската репрезентација. Каква и да е, наша е, ја сакам, некогаш се нервирам, но никогаш не престанувам со поддршката и навивањето“, вели Синиша Павлески.
- Покрај тоа што овие две пријателски му се 119-ти и 120-ти меч во живо на Македонија, тој ги собира и влезниците на нашата репрезентација. Од 282 официјални средби му фалат 37.
- „Започнав во Скопје 1994 како студент. Дојде Словенија, прв натпревар во независна Македонија како домаќин. Не ми се веруваше дека стигна времето и ние да одиме на Европско првенство во фудбал“.
- Дваесет и осум годишниот германски стопер од Борусија Дортмунд многу лесно може да биде продаден. Од клубот наводно не биле задоволни од неговата физичка подготвеност, односно од вишокот килограми.
- Зуле е поранешен фудбалер на Баерн Минхен за кого играше од 2017 до 2022 а за Германија има 49 настапи.
- Тој со 11 милиони евра годишна плата е најскапо платен фудбалер во финалистот на Лига на шампиони, соопштува германски Скај Спорт.
- Со 200 милиони долари од плата во Ал Наср и 60 милиони од маркетинг, Кристијано Роналдо по четврти пат во кариерата е најплатен спортист во светот.
- Најплатените 50 спортисти во последниве 12 месеци заработиле 3,8 милијарди долари, што е за 13% повеќе од ланскиот рекорд, делумно поради парите од Блискиот исток, пишува Форбс. 76% од тие пари ги добиле од плати, бонуси и парични награди.
- Меѓу нив најмногу има од НБА (19), од НФЛ 11, додека фудбалот е на трето место со 8 претставници.
- Зад Роналдо на листата е голферот Џон Рам, а трет најплатен спортист за изминатава година е Меси со 135 милиони.
- Потоа следуваат Леброн Џејмс со 128 милиони долари, Јанис Антетокумбо (111 милиони), Килијан Мбапе (110), Нејмар (108), Карим Бензема (106), Стеф Кари (102). Никола Јокиќ заработил 56 милиони долари и е на 32-рото место, а Лука Дончиќ е 34-ти со заработка од 55 милион долари.